«Альбина» бөбекжай-бақшасы
«Альбина» бөбекжай-бақшасы» жеке мекемесі 2013 жылы жарғы негізінде құрылып, бүгінгі күнге дейін үздіксіз 11 жыл бойы, Қызылорда облысы, Жаңақорған ауданы, С.Сапарбеков көшесі, 61үй мекен -жайында жұмыс жасап келеді.
Елбасымыздың «Балапан» бағдарламасын іске асыру бағытында
3-6 жас аралығындағы балаларды мектепке дейінгі білім мен тәрбие беру қызметін атқаруда. Мектепке дейінгі мекеменің тәрбие мен оқыту жұмыстары Қазақсатан Республикасының Мемлекеттік Жалпыға Міндетті Білім Беру Стандарты бойынша және «Мектепке дейінгі тәрбие мен оқытудың үлгілік бағдарламасы» негізінде жұмыс жасайды. Балабақша жаңа инновациялық технологияларды пайдалана отырып, оқу тәрбие жұмысы қазақ тілінде жүргізіледі.
Балабақшада 90 балаға арналған, 4 топ жұмыс жасайды. Ойын, жатын бөлмелері стандарт талабына сай жабдықталған, балалардың жас ерекшеліктеріне қарай көрнекі құралдармен, әрбір топ жеке жатын , ойын, киім ауыстыратын , жуынатын және әжетхана бөлмелерінен тұрады. Музыка,дене шынықтыру залдары біріктірілген.
Мектепке дейінгі балалар мекемесі 5 күндік жұмыс аптасымен, жұмыс уақыты 8.00 – дан 18.00-ге дейін белгіленген.Балабақша өрт-дабыл қондырғылары және бейнебақылау камераларымен, жылу жүйесімен және сумен қамтамасыз етілген. Сыртқы алаңында топтарға арналған ойын құралдары, әр топқа балалар отырып ойнайтын көлеңкелі қоршау орындығымен (беседка), гүл алаңқайлары және балалардың денсулығын нығайтатын, ойын құралдарымен жабдықталған. Балабақша техникалық материалдық базасы толық қамтылған, интерактивті панель, түрлі-түсті теледидар, әдістемелік кітаптар, барлық ұйымдастырылған іс-әрекеттер бойынша қамтылған. Дәрігерлік бөлме, асхана, кір жуатын бөлмелер жыл бойы қызмет көрсетеді.
Балабақшаның мақсаты: Баланың өмірін сақтау және денсаулығын нығайту, толыққанды дене бітімін дамыту жалпы адамзаттық құндылықтар негізінде тұлғалық мәдениетке ие, бала тұлғасын дамытуға үлес қосу және тәрбиелеу.Әрбір бала бір жұлдыз- жарқырауына көмектес демекші әр баланың қасиеттерін дамытып, оның қоршаған ортаны танып білуіне барлық жағдайды жасау болып табылады.
